Une maiute gnove pal Udin

Dopo la prime maiute, che e ricuarde chê dai prins campionâts in serie A, tra la fin dai agns ‘70 e i prins dai ‘80, l’Udin al à pandût la monture di trasfierte: e je caraterizade di une sielte cromatiche inovative, cubiade a une grafiche gjeometriche cun efiet tridimensionâl. La maie realizade de Macron e je in doi tonalitâts di colôr coral: une plui clare su lis spalis e su lis maniis, une plui intense intal cuarp centrâl. In poliestar che al ven al 100% di plastiche riciclade, la maiute e à la steme de societât denant e il so sproc (“la passion e je la nestre fuarce”) daûr, sul cuel. (A.I.) – 24.07.2023