Prime partide dal Udin: une fieste di goi

Daspò de presentazion de gnove maiute, e je rivade ancje la prime partide de stagjon pe gnove scuadre dal Udin, ancjemò cence tancj protagoniscj, sot dal soreli dal Stadi Friuli. La scuadre alenade di Sottil e à scomençât il so cicli di amichevulis cuntune vitorie cetant plene di goi cuntune scuadre che e rapresente la Cjargne. E je finide 15-0, cun 4 rêts segnadis di Beto, 3 dal zovin Semedo, 2 dal francês Thauvin, ma ancje dai gnûfs Lucca e Zarraga. Di vuê la scuadre e va sù in Austrie, a Bad Kleinkirchheim, dulà che si spietin ancje i zuiadôrs che a son stâts impegnâts cu lis Nazionâls par completâ il ritîr, fint ae fin dal mês. (A.I.) – 17.07.2023