Ancjemò barufis e problemis intal Borc de Stazion a Udin

Vuê dopomisdì i citadins a àn clamât lis fuarcis dal ordin dopo che tra forescj e jere tacade une barufe furiose. Dilunc de barufe un dai forescj al è stât viodût cul cuel di une butilie rote in man menaçâ altre int. E dut chest sot dai voi di citadins e di int che e cjaminave di chês bandis. A intervignî e je stade la Polizie locâl e i carabinîrs.

Pôc lontan, dongje dal sorepàs Santi Ermacora e Fortunato, suntun prât, un grup di forescj si jere metût a bivacâ e nol voleve savê di lâ vie tant che e je scugnude rivâ la Polizie cun cualchi patulie par parâju vie. (a.d.g.) – 30.04.2024