Pafundi al torne de Nazionâl cence vitorie

Delusion ancje par Simon Pafundi, la zoiute dal Udin che e à partecipât al Mondiâl di balon under 20 in Argjentine. La Nazionâl di balon e à pierdût domenie di sere la finâl cul Uruguay par 1-0. Cundut dal puest di titulâr, il zuiadôr nassût a Monfalcon intal 2006 nol è rivât a fâ la diference e, intal finâl di partide, l’Uruguay si è puartât in vantaç e al à vinçût il Mondiâl. A Pafundi e reste la sodisfazion di vê zuiât tocs impuartants di partide – cuntun gol spetacolâr su punizion cuintri la Coree dal Sud, in semifinâl – e la partide finâl dal principi, ancje se ‘fûr cuote’ a pet di chei altris zuiadôrs, ducj plui grancj di lui. (A.I.) – 12.06.2023

Foto di Gianpaolo Scognamiglio