La flame olimpiche e passarà ancje pe nestre regjon

I zûcs olimpics dal Invier di Milan e Cortine, che a son in program dai 6 ai 22 di Fevrâr dal 2026, a tachin za ai 26 di Novembar, cuant che la flame olimpiche a scomence il so lunc zîr de citât di Olimpie in Grecie. In regjon e rivarà ai 23 di Zenâr a Aquilee, Roncjis di Monfalcon e tal ultin Triest, compagnade di Alice Luvisoni, che e contarà sui "social" lis bielecis dal teritori. Ai 24 di Zenâr, e tocjarà Gurize, Gardiscje, fint a Palme e Cividât e a Udin, che la flame olimpiche e sarà cjapade di Michele Antonutti. L'ex cjapitani de scuadre di bale tal zei di Udin, cumò propit ambassadôr de marche de Apu, al veve za puartât ator la torce dai “Special Olympics”, i zûcs par atletis cun disabilitât. Di Udin, il dì dopo, la flame e larà a Pordenon prime di tornâ in Venit. (A.I.) - 18.11.2025