La storiche cjase di Michele Gortani (1833-1966), gjeolic, politic e fondadôr dal Museu di arts popolârs a Tumieç, e de sô femine Maria Gentile Mencucci, e je tornade a vivi e a vierzisi al public, metude a gnûf cuntun intervent di restaur e di ristruturazion poiât propit de Fondazion Gortani. La gnove viertidure di Cjase Gortani e conferme la volontât propit de stesse famee di vuardâ e trasmeti la culture cjargnele. Dongje de conservazion dal patrimoni, l’edifici al da acet al progjet “Tramandare il futuro”, stramanâ l’avignî, ven a stai la trasmission dal savê fâ artesanâl. Dentri de cjase, i visitadôrs podaran viodi no dome cuadris e mobilie, ma svicinâsi ae Biblioteche de Cjargne dal archivi di Michele Gortani e di altris fameis dal teritori. Cun di plui, la visite e je compagnade di une ufierte di formazion stabile, soredut chê dai scarpets – che a son al centri di un progjet za inviât dal Museu – e la tiessidure a man su telâr. In esposizion ancje lis fotografiis di Massimo Gardone dedicadis propit ae tiessidure, ai scarpets e aes 14 artesanis ativis cu la licence de marche “Scarpetti”. (A.I.) – 07.11.2026
Un museu te cjase Gortani a Tumieç
16
