Une setemane di documentaris par “èStoria”

Il festival de storie a Gurize al vierç chest an cu la cuarte edizion dal “éStoria Film Festival”, une anteprime che e va indevant di lunis ai 25 a fint a domenie ai 31. In program a son par tacâ i documentaris produsûts de associazion culturâl èStoria: “Il Collio”, “Carlo Michelstaedter”, “L’Isonzo” e “Ottobre 1917”, la storie de spedizion dal tenent Erwin Rommel”. In linie cul teme di chest an, lis “religjons”, si viodaran ancje oparis mestris dal cine: par esempli, “Francesco, giullare di Dio” di Roberto Rossellini (1950), “La messa è finita” di Nanni Moretti (1985) e “Il Vangelo secondo Matteo” di Pier Paolo Pasolini (1964). Cun di plui, il program al cjape dentri une proiezion dal video de conference di Alessandro Barbero “Caporetto 1917”, une “leture di une bataie” e une anteprime di “Aquileia e i cristianesimi perduti”, il gnûf documentari dal regjist furlan Massimo Garlatti-Costa. E je ancje programade la presentazion dal libri “Una storia scomoda”, la “vuere segrete sul al cun Mastroianni sui talians in Albanie vie pai agns dal Fassisim”, ricostruide di Antonio Caiazza. (A.I.) – 25.05.2025