Un video e un toc in memorie di Robert Miles

Siet agns daspò de sô muart, la stele de musiche furlane di nivel internazionâl Robert Miles, nassût Roberto Concina, e ven memoreade cuntun toc scrit e sunât dal ghitarist udinês Michele Pirona, za passât ancje pes televisions talianis. “For Miles”, prodot di Luca Franzolini, cun video di Gabo Antonutti, al è ispirât al sucès internazionâl “Children” dal Dj e produtôr di Feagne, che al à fat balâ ducj tai agns Nonante, e al sarà presentât joibe ai 25 di Avrîl li dal Black Stuff di Udin. Vie pe serade, Pirona al sunarà un piçul conciert cun tocs gnûfs scrits di lui e cualchi classic, ancje cun ospits a sorprese. (A.I.) – 24.04.2024