Un spetacul par Gortani tal museu cul so non

Daspò dal sucès dal spetacul itinerant“Senza memoria” ambientât tes salis dal museu di Tumieç, pensât par favorî la scuvierte dal straordenari patrimoni etnografic che si cjate culì, il Museu cjargnel des arts popolârs “Michele Gortani” al torne a deventâ un palc tal segn de contaminazion dai lengaçs artistics. Lu fasarà di vinars ai 7 di Novembar e fint a domenie ai 9 cun “Il matto dei sassi” (Il mat dai claps), un gnûf progjet promovût dal museu e dedicât propit al gjeolic e al sorenon che i devin in Cjargne pe sô passion pes monts e lis pieris. Il spetacul fat in coproduzion cul Teatri Stabil Furlan, scrit di Carlo Tolazzi e pe regjie di Massimo Somaglino, al viôt il protagonist contât di une schirie di personaçs in forme di figuris dissegnadis di Francesco Tullio Altan e animadis de atore Giulia Cosolo dongje dal pianist Daniele Russo. (AI.) – 05.11.2025