Un spetacul cun trê nazionalitâts

Dut al è pront pe scree de vincjesime cuinte edizion dal festival di musiche e teritoris “Nei suoni dei luoghi”. A vierzi il calendari, fat di adiriture 34 concierts in cualchidun fra i lûcs plui sugjestîfs dal Friûl-Vignesie Julie, de Slovenie e de Austrie, miercus ai 5 inte Cort di Palaç Morpurgo a Udin aes 9 sot sere, al sarà il progjet dal titul “Opera(zione)tango”. Un spetacul internazionâl cun musiciscj e balarins di trê diviersis nazionalitâts: Mario Stefano Pietrodarchi, la sopran dal Kazakistan Nadezhda Nesterova, il Cuintet de orchestre dai virtuôs di Kiev e i balarins Andrea Vighi e Chiara Benati. L’avigniment, organizât in colaborazion cun Folkest, al è a jentrade libare. (A.I.) – 04.07.2023