Un cjantant inmascarât pal finâl di “Dedica”

Il conciert che par tradizion al siere il festival Dedica al è stât anunziât cun curiositât particolâr e un pôc di misteri, parcè che sabide ai 25, al Capitol di Pordenon, pe prime volte in Italie, al rive Cascadeur: un musicist ecletic che no si viôt la muse, parcè che al sune cuntun casc e vistît tant che un stuntman, ven a stâi une cuintrifigure! Alexandre Longo – chest il non, che al pant lis sôs origjins talianis – al è un ecletic compositôr e pianist francês, che al à començât intal 2011 cul prin album, e al à vût colaborazions impuartantis cun artiscj francês e internazionâls, ancje concierts leteraris cun Maylis de Kerangal. (A.I.) – 24.03.2023