Ultimis sunadis inte Torate di Sante Marie

Ultin apontament cui “Concerti Torriani”, la rassegne inmaneade dai Amîs de Musiche di Udin. Vinars ai 19 aes 5 dopomisdì, intal salon de Torate di Sante Marie, al rive une des plui innomenadis cubiis a “cuatri mans” dal piano classic internazionâl. Carles Lama e Sofia Cabruja, artiscj de marche Steinway, a son definîts de critiche specializade interpretis bogns di vê une fusion straordenarie, plens di tecniche, passion e elegance. Dopo vê sunât in Europe e in Americhe, incidint oparis di Schubert, Brahms, Rachmaninov, Albeniz e De Falla, a dedicaran il lôr conciert udinês al mont dai “lieder” pianistics. (A.I.) – 18.04.2024