“Udin&Jazz” al siere cul mestri de ghitare

E siere dopo nûf dîs di concierts, la edizion numar trentetrê di “Udin&jazz”, tornade intal centri de citât e ancje sul palc dal teatri “Giovanni da Udine”, dut plen miercus de setemane passade par Stewart Copeland dai Police cu la Fvg Orchestra. Usgnot aes 9.30 sul plaçâl dal Cjistiel al rive chel altri ospit plui impuartant e plui famôs: il ghitarist Pat Metheny, il re de fusion, che daspò 50 album e 20 Grammy Award al torne a un grup in tercet, acompagnât di Chris Fishman aes tastieris e Joe Dyson ae batarie pal progjet leât al so ultin disc, “Side eye”. (A.I.) – 18.07.2023