Sul palc i tescj dal progjet teatrâl “Futuro passato”

Miercus ai 20 la rassegne “Extra Festil”, sezion autunâl de otave edizion  dal “Festival estîf dal Litorâl”, direte di Tommaso Tuzzoli e Federico Bellini e inmaneade di Tinaos, e va indevant in colaborazion cul CSS a Udin tal Teatri S. Zorç, dulà che aes 7 sore sere a saran presentâts i tescj di Denise Diaz Montalvo, Gabriele Paupini e Caterina Filograno, i autôrs finaliscj dal progjet di dramaturgjie “Futuro passato – memoria digitale” (Futûr Passât – memorie digjitâl). In presince dai autôrs, si tache cu la leture seniche di “Pet Rock”, po dopo “Antropic” e par sierâ “Oleandra”. Tra i atôrs, Ksenija Martinović e Aida Talliente. (A.I.) – 18.12.2023