Sivilotti ancjemò diretôr de orchestre a Sanremo

Di un cuart di secul, al lavore cun cualchidun dai plui grancj nons de cjançon taliane. L’an passât, il furlan Valter Sivilotti, autôr, diretôr e rangjatôr, al à vût il so prin sucès “popolâr” in direte su la television nazionâl taliane, compagnant il so amì Simone Cristicchi al Festival di Sanremo. Une colaborazion che e va indevant di agnorums, cjapant dentri ancje la Academie di Musiche Naonis di Pordenon, vuidade tant che diretôr artistic e lavorant cun Cristicchi par diviers progjets. Martars di sere, Sivilotti al è tornât tal teatri “Ariston” pe seconde volte par compagnâ Patty Pravo, une liende de cjançon taliane, inte cjançon “Opera”, scrite di Giovanni Caccamo e rangjade dal stes diretôr di Rivis Darcjan. Valter Sivilotti al cognòs ben Sanremo, parcè che al è ancje il rangjatôr e il diretôr de Sanremo Summer Symphony vie pal Istât e al colabore cun AreaSanremo Experience, là che al jude a formâ i zovins talents de musiche taliane. (A.I.) – 25.02.2026