“Percoto Canta”: lis selezions a scomencin

Cun plui di cent soliscj e grups vocâi iscrits, la competizion di cjançons plui spietade de regjon e je in plene vore. Rivade te sô trentesime novesime edizion, “Percoto Canta” al scomence la sô prime selezion: sabide ai 30 e domenie ai 31, la Cjase de Musiche di Çarvignan e darà acet ai zovins artiscj, pronts a jessi selezionâts di une jurie che e cjape dentri il cjantautôr e compositôr Niccolò Agliardi e la atore e cjantante Petra Magoni. La jurie e à di selezionâ i 25 semifinaliscj che a si svicinaran simpri plui al insium: rivâ vinci 10 mil euros e une buine dose di innomine, il prin pas viers une future cariere professionâl. Di chei che si son iscrits a un dai events musicâi plui innomenâts de penisule, plui de metât a son de nestre regjon. Inte semifinâl, programade par sabide ai 25 di Lui, sul front dal mâr a Grau, i 25 cjantants a saran i protagoniscj di un event viert al public. Sierant la serade, la jurie e comunicarà i 12 finaliscj che a rivaran fin te finâl, che si davuelzarà sabide ai 10 di Otubar tal storic Teatri “Verdi” di Gurize. (A.I.) – 29.05.2026