94
Il sipari al va sù joibe ai 27 su la cincuantesime seconde edizion dal Palio teatrâl studentesc “Città di Udine”. Fint ai 24 di Mai, il Teatri Palamostre al darà acet ai 24 grups iscrits a une des manifestazions cu la vite plui lungje dal panorame teatrâl talian, inmaneade dal Teatro Club Udine. In dut a saran sul palc, par tradizion la “cjase” dal Palio, plui o mancul 500 students, tacant dai fantats e des fantatis dal “Gruppo Azzurra ”, pardabon un coletîf che al met adun il “Manzini” di S. Denêl e il Liceu artistic “Sello” di Udin, in colaborazion cul Teatri Stabil Furlan e la Societât Filologjiche Furlane. Dopo di lôr, a saran i students dal grup Copernidrama dal Liceu sientific “Copernico” di Udin. (A.I.) – 26.04.2023
