Un fantat di 19 agns, resident a Pordenon, al è stât cjatât dilunc di un control cun intor 100 grams di hashish.
Il zovin al jere dentri di une auto di passaç a Cordenons, cuant che une patulie de Polizie le à fermade: a chel pont la fuide a pît, ma daspò di un inseguiment curt i agjents lu àn blocât.
De percuisizion a son saltâts fûr i 100 grams, ma une vore plui robe i poliziots le àn cjatade a cjase dal fantat, inte cjamare di jet, indulà che a jerin platâts altris 940 grams, plui altri materiâl che si dopre par preparâ lis dosis de droghe. Inte stesse cjamare a son stât cjatâts ancje un curts cuntune lame di 20 centimetris, mil euros in contants e une pistole false.
Il zovin al è stât denunziât ancje par resistence e puartât inte preson di Pordenon par jessi dopo metût ai arescj domiciliârs cul braçalet eletronic. (a.d.g.) – 06.05.2024
