I bogns risultâts otignûts de regjon, plui alts di ce che si spietave, a son il risultât dai tancj intervents fats de Aministrazion regjonâl bande une ufierte buine di sodisfâ lis dibisugnis di diferentis tipologjiis di turiscj. Dut al è stât fat adun cui imprenditôrs privâts dal setôr che, cun dut de pandemie, a àn puartât intai ultins cinc agns a une cressite nete di plui o mancul 300 mil vignudis e cuasi 700 mil presincis vie pal an. Pontâ su la ufierte dilunc dal an intîr e su la cualitât dai servizis a son la formule vincente.
Lu à dit Massimiliano Fedriga, president de Regjon Friûl-Vignesie Julie, dilunc de conference stampe di presentazion de stagjon dal Istât di PromoturismoFvg.
L’assessôr regjonâl aes Ativitâts produtivis e al Turisim, Sergio Emidio Bini, al à visât che i dâts dai prins trê mês di chest an a son pardabon positîfs. In dut la cressite e je dal 16,3% cun passe 1,1 milions di presincis turistichis. I visitadôrs forescj a son lâts su’ dal 24% e chei talians dal 10,9%; se si fevele dai puescj, al è il 46,4% in plui des presincis pal mâr e plui 11,1% pes citâts. (a.d.g.) – 07.05.2024
