La sinfoniche regjonâl intal parc

Dopo il grant sucès de cjantautore Tish, ambassadore uficiâl di “GO! 2025”, la Fvg Orchestra direte di Vito Clemente e je protagoniste dal gnûf apontament di “Palchi nei Parchi”, la rassegne itinerante ideade dal Servizi forestis e Cuarp forestâl de Regjon, sot de direzion artistiche de Fondazion “Bon” di Culugne. Joibe ai 3, al Parco Piuma di Gurize, al è in program il conciert “From Rome To Buenos Aires”, un viaç musicâl dulà che al à in prin plan la armoniche di Mario Stefano Pietrodarchi, lis musichis dai cines di Morricone, chês di Nino Rota e la Argjentine dal “tango nuevo”. (A.I.) – 02.08.2023