Ogni an vie pal Istât, plui di un centenâr dai miôr zovins musiciscj europeans a rivin a Pordenon e par cualchi setemane il Teatri “Verdi” al devente la lôr cjase. Achì a studin, a provin, a lavorin e a preparin programs destinâts ai grancj palcs di sene de Europe. Par passe dîs agns, la GMJO, orchestre dai zovins Gustav Mahler, fondade di Claudio Abbado e considerade la orchestre zovine plui prestigjose dal continent, e à rinfrescjât un colaborazion che e à mudât Pordenon intun centri pes sôs ativitâts e il GMJO intune orchestre internazionâl resident tal “Verdi”. Chest an a son stâts selezionâts 112 musiciscj di 22 paîs diferents. Dopo di vê sunât tes capitâls plui prestigjosis de musiche sinfoniche europeane, a tornin a Pordenon, direts di Philippe Jordan, pai doi grancj concierts finâi dal lôr tour dal Istât, lunis ai 31 di Avost e martars al prin di Setembar aes 8 e mieze sot sere. La orchestre e sarà ancje protagoniste dal program 2026/2027, scomençant cul conciert dai 8 di Novembar, cun passe cent musiciscj direts di Cristian Măcelaru, intant che ai 13 di Jugn dal 2027, Kirill Petrenko, un dai diretôrs plui famôs dal mont, al tornarà par frontâ la Sinfonie numar 5 di Gustav Mahler cu la orchestre. (A.I.) – 31.08.2026
Foto di M. Poehn
