La ‘Nico Pepe’ in trasfierte a Triest

I arlêfs atôrs de academie civiche di art dramatiche “Nico Pepe” di Udin a son in sene a Triest, joibe ai 19 li dal Teatri “Miela”, cui ritmis esilarants de comedie innomenade “Rumori fuori scena” di Michael Frayn, tornade a scrivi dal diretôr de scuele Claudo De Maglio pai siei students. Il divertiment al è dopli: un câs di teatri intal teatri, o miôr di une tragjicomedie che e devente comedie, par chel che al sucêt dentri e fûr dal palc, dulà che une compagnie di atôrs argagnâts sù, che a son ancje ‘câs umans’, si cjate a fâ lis provis gjenerâls in cundizions al limit di une crisi di gnerfs… (A.I.) – 18.10.2023