La musiche dai Beatles a Orsarie

L’incjant che nol passe mai de musiche dai Beatles al rive al TeatrOrsaria di Premariâs vinars ai 15 cun “Here goes the sun”, un conciert cun doi grancj jazziscj de regjon: Glauco Venier al piano e Alessio Zoratto al liron. Il cuint apontament de rassegne “Passaggi (musicali)”, ideade de associazion RiMe MuTe, al è un viaç di esplorazion tra lis melodiis plui innomenadis e aclamadis dai “Fab Four”, rangjadis par piano e liron, o sedi di une formazion che e permet di valorizâ l’incjant dai tocs origjinâi ancje traviers la improvisazion. (A.I.) – 14.12.2023