Al è ancje un toc di Friûl tra i vincidôrs de Mostre dal Cine di Vignesie. Il cine che al à vinçût il Leon di arint – Grant Premi de Jurie, “Evil Does Not Exist” (Il mâl nol esist) di Ryusuke Hamaguchi, al sarà distribuît intes salis talianis prime de fin dal an sot dal segn de Tucker Film e Teodora Film: dôs cjasis di distribuzion unidis de passion pal cine asiatic e par chel di cualitât. La Tucker, fondade intal 2008 dal CEC di Udin e di Cinemazero di Pordenon, e je une cjase di distribuzion e di produzion indipendente. Di là dai cines leâts al teritori, e à in catalic une lungje schirie di cines premiâts in dut il mont: une ativitât disvilupade in conession cul Far East Film Festival, l’avigniment plui impuartant dedicât al cine popolâr asiatic in Europe. (A.I.) – 11.09.2023
La furlane Tucker daûr dal ‘Leon di Arint’ ae mostre dal cine
73