La cooperative Slou e puarte musiciscj furlans tal forest

La cooperative culturâl furlane Slou, famose pe rassegne itinerante “Estensioni”, un circul di jazz ator pal teritori, che al puarte avigniments in diviersis localitâts de nestre regjon e in Italie, e à selezionât doi progjets furlans musicâi di sostignî di là dai confins. Slou e à decidût di rinfuarçâ la colaborazion cun North East Ska Jazz Orchestra e Wicked Dub Division, sostignint la produzion dal progjet in viste de lôr esibizion al festival “Pol’ and’ Rock”, ai 3 di Avost in Polonie. Cun di plui, Slou e sosten ancje la produzion dal spetacul “Sentimentale, dedicato a Lelio Luttazzi”, un omaç intal centenari de nassite dal mestri triestin, ideât de cjantante udinese Barbara Errico, che al vignarà presentât in anteprime a Lecce ai 6 di Avost. (A.I.) – 01.08.2023