Il teatri “impegnât” al torne a Gardiscje

Daspò di une lungje schirie di events via pal Istât, la decime prime edizion di FESTIL, il Festival dal Litorâl, direte di Tommaso Tuzzoli e Federico Bellini e inmaneade di Tinaos, e scomence il so program de Sierade. Al Si tache cuntune artiste une vore preseade dal festival: Cinzia Spanò, une des plui interessantis di chês “impegnadis” tal teatri talian. Il spetacul “Palma Bucarelli e l’altra resistenza” che si davuelç miercus ai 7 aes 9 sot sere te Sale Bergamas di Gardiscje al conte des oparis di art salvadis vie pe seconde Vuere mondiâl. In detai, midiant de storie di Palma Bucarelli, la diretore storiche de Galarie di Art Moderne a Rome, une femine di spirt libar e di volontât fuarte che e scuindeve lis oparis di art dai plui grancj artiscj di ducj i timps – di Botticelli a Michelangelo, di Leonardo a Caravaggio, Rubens, Velázquez, Dürer… – tal soterani dal Palaç Farnese. (A.I.) – 06.10.2026