63
La associazion culturâl che e à il non di Luigi Candoni e va indevant cu la ativitât di promozion de dramaturgjie contemporanie puartade indevant dal comediograf cjargnel. Organizât di agnorums, il Premi “Candoni – Orazero” al à al centri la idee di promovi la dramaturgjie contemporanie taliane. Soredut, di proponi gnûfs tescj teatrâi pe produzion di spetacui professionâi e di disvilupâ ativitâts dramaturgjichis par fâ gnûfs progjets a teatri. Chest an a son rivadis ben 71 oparis origjinâls di dute Italie: vinars ai 15 al Teatri Gnûf “Giovanni da Udine” a saran premiâts i trê finaliscj, Paola Fresa, Federico Latini e Nicoletta Mandelli. (A.I.) – 14.12.2023
