Il festival des academiis di teatri cu la “Nico Pepe”

Vie pai agns, e je nassude une rêt internazionâl dai teatris zovins tiessude a Udin de civiche academie di art dramatiche “Nico Pepe”, la farie dai atôrs e des atoris di doman, Nassût dîs agns indaûr metint adun academiis, universitâts e scuelis di teatri di dut il mont, il SAFest, Summer Academy Festival inmaneât a Udin nol è dome il festival dal Istât des academiis di teatri, ma un lûc di confront vivarôs, un puest là che la ricercje e la creazion a son di ducj, ven a stai a son spartidis. Il program di chest an, fint a vinars ai 17, cuant che al sarà proponût un spetacul coletîf itinerant tal centri de citât, al siere un cicli dedicât ai cuatri elements e il teme an è chel dal aiar, che al sarà disvilupât cun laboratoris, incuintris e spetacui vierts al public de citât. Une iniziative di formazion alt pes arts de sene a nivel globâl, inmaneade e rinfuarcide via pai agns in graciis de colaborazion cul ITI Unesco, une rêt di educazion superiôr pes arts performativis. I ospits di chest an – docents e students a vegnin de Universitât Bilkent di Ankara in Turchie e dal Seoul Institute of the Arts de Republiche di Coree. Pe prime volte a rivaran ancje i arlêfs de scuele dal teatri di Napoli- Teatri Nazionâl e une rapresentance de innomenade scuele di teatri “Paolo Grassi” di Milan. (A.I.) – 15.07.2026