Favino a Udin e Pordenon al presente il so gnûf cine

Ancjemò ospits grandonons tal mont dal cine a rivin in regjon! Domenie ai 12 e sarà la volte di Pierfrancesco Favino, un atôr cetant amât di public e critiche, che al acompagne intes salis la jessude dal so ultin cine di protagonist “L’ultima notte di amore”, un pelicule ‘di altris timps’, adun cul regjist Andrea Di Stefano. I doi a incuintraran il public di Cinemazero a Pordenon ae fin de proiezion des 2.45 e al principi di chê des 5.15 dal dopomisdì. Po dopo si movaran al cine Centrale di Udin, dulà che a saludaran il public in sale al tiermin de proiezion des 4.45 e prime di chê des 19.30. (A.I.) – 10.03.2023