“Dialoghi” e “Mittelfest” a tornin a tacâ de scuele

Un progjet che al va indevant di plui di 15 agns, “Dialics a scuele”, al torne a tacâ in colaborazion cun Mittelfest vinars ai 19. Di matine, il Pôl liceâl di Gurize al darà acet a “Inabili alla morte/Nezmožni umreti”, une lezion spetacul di Giacomo Pedini, il diretôr artistic di Mittelfest, che si domandarà cui che al fâs la storie e di dulà che a tachin lis azions significativis che a determinin l’andament dai avigniments. “Dialoghi a scuola” e je une schirie di iniziativis itinerantis par difondi la culture intes sôs diviersis interpretazions, cul coinvolziment di miârs di students de Regjon, che po dopo a tegnin sù ancje varis avigniments dal festival “dialoghi”. (A.I.) – 18.04.2024

Foto di L. d’Agostino