Arlechin a Pordenon al puarte la Europe in place

Di 27 agns, Pordenon e je la capitâl europeane de ‘Gnove Comedie de Art’ in graciis dal festival teatrâl L’Arlecchino errante, inmaneât ancje e soredut in graciis de notorietât internazionâl de Scuele sperimentâl dal atôr. La Comedie de Art ‘gnove’ o ‘slargjade’ e previôt un calendari plen di spetacui dai 29 di Avost ai 5 di Setembar e un percors paralêl di laboratoris, curâts dai stes artiscj che a son ospits de citât. Il titul che al spieghe il teme di chest an al è ‘Rethink’, ven a stâi ‘sorepensâ’. Confermât il premi ae cariere a un mestri dal teatri internazionâl, il regjist polac Jaroslaw Fret, intai varis spetacui al viert e al sierât a saran ospits europeans (Flamenco Sevilla Vive, Los Galindos, Širom…) e compagniis talianis (Berardi Casolari, il Teatro dell’Argine, Faber Teater di Turin), di là di varis teatrants di strade. (A.I.) – 28.08.2023