In concomitance cu la jessude dal gnûf album di tocs inedits “Don’t Forget to Fly” – il prin sunât ad implen dome al piano, sîs agns daspò di “Nocturne” che al à passât i 17 milions di streaming dome su Spotify – al torne sui palcs il compositôr e pianist pordenonês Remo Anzovino, cuntun progjet che al tradûs in sun il sium e la dibisugne dai oms di svolâ. Anzovino al à anunziât une date dal tour in Friûl, li dal Teatri Gnûf “Giovanni da Udine” ai 6 di Març dal 2024. I biliets pal conciert a saran in vendite sul circuit Ticketone e tes bilietariis dal teatri tacant des 10 di vinars ai 17 di Novembar. Intal conciert, Remo Anzovino al proponarà dute la suite “Don’t Forget to Fly” e i tocs di sucès dai siei albums e des colonis sonoris plui impuartantis fatis pal cine. (A.I.) – 16.11.2023
Foto di S. Di Luca
