Ancje un ‘conciert cinematografic’ al festival di Udin

Une gjeniâl polistrumentiste, cjantante, compositore, autore di colonis sonoris, tra Orient e Ocident: Ishibashi Eiko. Un gjeniâl regjist pluripremiât che, une opare mestre dopo di chê altre, al à lassât za un segn indelebil intal cine dal ultin deceni, no dome asiatic: Hamaguchi Ryusuke. Il sodalizi dut gjaponês al sarà ospitât domenie ai 28 tal Teatri Gnûf “Giovanni da Udine”, inte suaze dal vincjesim sest “Far East Film Festival” cuntun conciert cinematografic: la musiciste e sunarà lis partiduris eletronichis dal vîf intant che al vignarà proietât il cine mut “Gift”, che Hamaguchi al à scrit e diret par jê e che al à prodot il cine di sucès “Evil Does Not Exist”. (A.I.) – 26.04.2024

Foto di S. Shibuya