Amîs de musiche di Udin: si siere

Si siere la centesime seconde stagjon dai Amîs de Musiche di Udin: pe ocasion, il Palamostre al da acet miercus ai 10, come simpri aes 19:22 (l’an de fondazion), ae Orchestre dal Teatri Goldoni direte dal belghe Eric Lederhandler. Grant finâl, si che duncje, cuntun program che al tache cun Ravel, al passe a Schumann e si siere cun Schubert. La Orchestre, nassude a Livorno dal organic di riferiment principâl des stagjons lirichis e sinfonichis dal teatri, e spiche pe finece e pe ricercje des sonoritâts e e rapresente un pont di riferiment internazionâl pe sô stagjon sinfoniche e pes sôs produzions. (A.I.) – 09.04.2024