Amîs de Musiche di Udin: e tache la stagjon numar 102

Lunis ai 23 e tache la stagjon numar 102 dai Amîs de Musiche di Udin, un grup che al à segnât la storie dal conciertisim furlan dal 1922 a vuê. Ancjemò une volte siore di musiche di grande cualitât, e scree li dal Palamostre di Udin cuntun omaç a Chopin: la Virtuosos Polish Wroclaw Symphony Orchestra direte di Bartosz Zurakowski, cun solist al piano Atsuko Sede, e presente l’innomenât Conciert numar 1 par piano e orchestre dal autôr, insiemi a altris tocs gjavâts fûr de leterature musicâl polache. (A.I.) – 21.10.2023