A Udin la muse gnove de comicitât taliane

Filippo Caccamo, une des musis gnovis de comicitât taliane, al rive infin al Cjistiel di Udin, dulà che joibe ai 3 si recupere la date previodude ai 25 di Lui e rimandade pal brut timp. Autôr e regjist, stele de rêt cun passe un milion di ‘follower’ tra Instagram, Facebook e TikTok, Filippo Caccamo al presente il spetacul “Tel chi Filippo!”, che al aprofondìs cun ironie il mont de scuele e dai insegnants,puartant sul palc i siei personaçs plui cognossûts nassûts su la rêt. (A.I.) – 02.08.2023