Violente rivolte dentri dal Cpr di Gardiscje

Une ale interie dal Cpr di Gardiscje e je stade fiscade daspò de rivolte de int tignude dentri dal centri, che a fadie lis fuarcis dal ordin a àn rivât  a contignî. Dut al è sucedût tor des 10.30 sore sere e fintremai ae 1.30 di gnot. Un grup une vore numerôs di forescj in spiete di jessi rimpatriât al à cjapât su’ i estintôrs e al à dât cuintri ai agjents tirant lôr intor ancje tocs di ciment stacâts de struture.

Nol è stât par nuie facil pai agjents jentrâ te ale indulà che e jere la rivolte. Par tornâ a puartâ pâs, a àn scugnût intervignî Polizie, carabinîrs, esercit e Vuardie di finance, cun personâl rivât ancje dal confin. Pal sindicât Sim Carabinieri Fvg e je stade pardabon vuerilie urbane. (a.d.g.) – 29.05.2024