Musichis pal cine mut regjistradis al “Verdi”

Il cine di Alfred Hitchcock “The Manxman” (“La isule dal pecjât”, 1929), che al à sierât la edizion dal 2022 des Zornadis dal cine mut di Pordenon, al jentrarà a fâ part di une gnove confezion in blu-ray fate di une des plui cognossudis cjasis di produzion e distribuzion internazionâls. La partidure orchestrâl fate di Stephen Horne e viôt impegnât lunis ai 3 e martars ai 4 di Jugn li dal Teatri “Verdi” di Pordenon il stes organic che al à sunât pal public des “Zornadis”: disenûf musiciscj de ex Orchestre Sant Marc, vuê Orchestre di Cjamare di Pordenon, direte tant che in chê ocasion di Ben Palmer, che al è deventât il diretôr principâl. In plui, il virtuôs dal violin Jeff Moore e il sunadôr di oboe Louise Hayter, che al rive di Londre adun cul compositôr Stephen Horne. La regjistrazion e je fate par cure dal studi Artestudio di Stefano Amerio, furlan di innomine internazionâl. (A.I.) – 03.06.2024