A Udin al torne il festival dal cine orientâl

Nûf dîs dentri dal cûr dal Orient tra une schirie di cines, stelis, atôrs e atoris, incuintris, presentazions, mostris e concierts, cence contâ i passe 100 avigniments “a teme” intal centri de citât di Udin. La vincjesime seste edizion dal “Far East Film Festival”, la plui impuartante rassegne di cine orientâl “popolâr” inmaneade intal mont ocidentâl, e torne di miercus ai 24 e fint ai 2 di Mai cul so public afezionât, pront par viodi 75 cines (47 chei in concors, che a vegnin di 11 Paîs diferents), plui di metât in anteprime taliane o mondiâl. Internazionâi ancje i ospits: chel plui impuartant al è Zhang Yimou, premiât a Vignesie, a Berlin, a Cannes, trê voltis candidât ai Oscars, che joibe ai 2 di Mai al cjaparà sul palc dal Teatri Gnûf “Giovanni da Udine” il premi “Gelso d’oro” ae Cariere. (A.I.) – 23.04.2024