A rivin in regjon i “curts” preseâts de critiche a Vignesie

Di martars ai 23 di Setembar e fint ai 23 di Otubar, il grant cine de Bienâl di Vignesie al torne protagonist tes salis dal Friûl-Vignesie Julie cu “Lis zornadis de mostre dal cine di Vignesie”, un apontament fat simpri in colaborazion cun AGIS, ANEC, FICE e la Regjon F-Vj. Il public al varà la pussibilitât di scuvierzi une selezion oparis primis che a son stadis presentadis te suaze de Setemane internazionâl de critiche, une sezion autonome e paralele de mostre, inmaneade dal sindicât nazionâl dai critics cinematografics. La edizion e celebre i cuarante agns de nassite de “Setemane de critiche” e i dîs di une iniziative che e vûl valorizâ i “curts” talians e tirâ sù une sorte di vivâr pai zovins autôrs. Lis proiezions – in dut 24 in 5 de regjon – si fasaran a tacâ dal “Visionario” di Udin, po dopo tal “Kinemax di Gurize”, tal “Ariston” di Triest, li di “Cinemazero” a Pordenon e par sierâ tal “Kinemax” di Monfalcon. (A.I.) – 22.09.2025