A Gardiscje il teatri ancje par cui che nol viôt

Il festival urban multimediâl “In\Visible Cities” al à inviât un procès ireversibil par deventâ un lûc di sperimentazion e di libertât di partecipazion par dut il public. Une des novitâts plui impuartantis dal 2023 al è il focus dedicât ae inclusion des personis cun disabilitât, “Zero gradi di separazione”, che al permet di presentâ al public spetacui teatrâi e di danze creâts di artiscj disabii e no disabii, che a deventin acessibii ancje ai vuarps e a chei che a viodin pôc: a scomençâ di “Let me be”, di Camilla Guarino e Josef Comuniello, ai 6 di Setembar li dal teatri comunâl di Gardiscje, par continuâ cu “La vaga grazia” ai 7 e “Alexis 2.0” ai 10. (A.I.) – 05.09.2023

Foto di M.Gasperoni