A Folkest e je la ore dai talians

Folkest al va indevant cul so viaç traviers de musiche e dai lûcs dal Friûl-Vignesie Julie cuntune altre setemane di concierts ator pal teritori, in placis, cjistiei e paîs. Il program al scomence martars ai 23 in place de Concordia a Roncjis di Momfalcon, dulà che Peppe Voltarelli – cjantant e compositôr, atôr e scritôr, fondadôr tal 1990 dal grup Il parto delle nuvole pesanti – al presentarà ” La grande corsa verso Lupionòpolis” un spetacul che al instrece musiche e narazion intun viaç plen di sugjestions. Il program al continue joibe ai 25 te Vile Cigolotti di Basangjele di Vivâr cu la energjie dai The Strawboys. Vinars ai 26 e saran dôs datis: te suaze straordenarie di S. Zuan dal Landri, un conciert yiddish di Angelo Baselli e Gianluca Casadei, intant che a Romans dal Lusinç, in place Candussi, Gianni Belleno e Nico Di Palo, za dai New Trolls, a saran protagoniscj di un incuintri musicâl che al rivoche la grande tradizion dal rock talian. (A.I.) – 22.06.2026