A Udin e sarà balotazion tra Fontanini e De Toni

Domenie ai 16 e lunis ai 17 a Udin si tornarà a votâ par sielzi il gnûf sindic. Il candidât dal centridiestre Pietro Fontanini si è fermât al 47%: ben 6 ponts in plui di trop che al veve racuelt cinc agns indaûr. Il candidât dal centriçampe Alberto Felice De Toni invezit al è rivât al 39%, cuatri ponts in plui a pet di cinc agns indaûr (cuant che in lize al jere Vicenzo Martines). De Toni al podarès cirî un acuardi cun chel altri candidât di aree progressiste, Ivano Marchiol, rivât al 9%. Cinc agns indaûr, Fontanini al à vinçût par dome 280 vôts cu la poie di Stefano Salmè, che cheste volte al à racuelt il 5% al prin turni, ma lis ‘manovris’ a scuegnin ancjemò scomençâ. (A.I.) – 04.03.2023