Çumpiel-Secuals: e monte la proteste, ma la Regjon e fasarà altris aprofondiments prime di decidi

La Zonte regjonâl no esaminarà ancjemò il studi di fatibilitât sul slungjament de Çumpiel–Secuals fin a Glemone parcè che, prime de aprovazion dal progjet, a fasarà ancjemò altris aprofondiments su lis ipotesis dal percors che a rivuardin soredut la zone culinâr.

Chest, in struc, al è ce che al à dit l’assessôr aes Infrastruturis e al Teritori Cristina Amirante, dopo de prese di posizion contrarie cjapade dal Comun di Feagne dopo vê savût dal percors intal so teritori.

Su la gnove strade, dut câs, lis perplessitâts a son cetantis e no dome pal pesant impat ambientâl intun dai teritoris plui biei e mancul cimentâts de regjon, ma ancje pal cost de opare che al è di centenârs di milions di euros. (a.d.g.) – 18.04.2024