Altris 197 milions di euros inte leç di Stabilitât de Regjon par sostignî il disvilup

“O vin infuartît ancjemò di plui la leç di Stabilitât destinant altris 197 milions di euros a ducj i comparts. La manovre 2023 e regjistre za une cressite di 200 milions a pet di chê aprovade il passât Dicembar dal Consei regjonâl. A son risorsis che a permetaran di dâ jutori a ducj i setôrs dal Friûl-Vignesie Julie e di favorî la cressite economiche cundut de circostance complesse che stin vivint”.

Lu à declarât l’assessôr regjonâl aes Financis Barbara Zilli dopo la aprovazion de bande de Zonte regjonâl dai dissens di leç di Stabilitât e de colegade pal trieni 2023-2025, evidenziant che “l’obietîf de Regjon al è sostignî il disvilup de nestre comunitât regjonâl e contribuî a disfantâ il pericul di recession”. (ADG) – 9.11.2022