La puarteavions plui grande dal mont a Triest

E rivarà a Triest ai 17 di Setembar la “Gerald R. Ford” de Marine Militâr dai Stâts Unîts, la puarteavions plui grande dal mont.

Lu scrîf il president dal Friûl-Vignesie Julie, Massimiliano Fedriga, sui siei profîi sociâl, precisant che la puarteavions zigantesche e restarà intal golf fin a joibe ai 21 di Setembar. “Une oportunitât otime pes ativitâts locâls che – al zonte Fedriga – a podaran acetâ il numarôs ecuipaç intai dîs di permanence di cheste nâf imponente che e pues traspuartâ 5 mil personis e ospitâ une otantine di avions”. (a.d.g.) – 30.08.23