“Poie ae natalitât, ae famee e ancje sul orientament scolastic par jemplâ la diference tra domande e ufierte dai profîi professionâi, in plui che su miorament des competencis des personis che za a lavorin a son azions buinis di medi-lunc tiermin, che a àn però bisugne di timp par displeâ risultâts tangjibii, intant che nô o vin bisugne di rispuestis intal imediât, che si metin dongje des azions che za e je daûr a fâ la Regjon, par esempli cul Recruiting Day. Il progjet de plateforme ‘Creiamo valore’ al va in cheste direzion, pontant a fâlu in mût pratic e operatîf, ancje se al è palês che la uniche soluzion par mantignî e miorâ la situazion cumò al è vierzi ae imigrazion specializade, sul model de Gjermanie, parcè che se di no, no rivarìn a vignî fûr”.
Al è cetant che e à declarât, cheste matine, a palaç Torriani, la vicepresidente di Confindustria Udine, Anna Mareschi Danieli, che e à presentât in conference stampe la plateforme ‘Creiamo valore’, intune cu la assessore regjonâl al Lavôr, formazion, istruzion, universitât e famee Alessia Rosolen. (A.D.G.) – 15.02.2023
