A son rivadis pai lavoradôrs de Electrolux pardabon buinis gnovis de taule di crisi, convocade vuê di matine dal Ministeri des impresis e dal Made in Italy a Rome.
La multinazionâl svedese Electrolux e à comunicât che a saran ritiradis lis proceduris di licenziament che e veve menaçât e che al sarà ridusût il numar dai lavoradôrs di masse che a passin di 1.450 a 1.250 a nivel talian (600 impleâts e 680 operaris).
La vere gnove e je tal metodi: la riorganizazion e larà indenant par trê agns e dome su base volontarie, cun jessudis incentivadis e il ricors ai amortizadôrs sociâi. Al reste al centri il futûr dal stabiliment di Cerreto d’Esi tes Marcjis, che par chel si ponte a une riconversion, intant che a Purcie a vegnin confermadis lis produzions di laveblancjarie e suieblancjarie di sielte alte. (a.d.g.) -05.10.2026
