In Regjon il Pil al cres plui che intal rest de Italie

Il Friûl-Vignesie Julie al sarà, cu la Lombardie, la regjon cul tas di cressite plui alt dal Pil (Prodot interni a sporc) intal 2023. La prevision e je dal ufici studis de CGIA di Mestre che, su la base dai dâts di Avrîl, al previôt un aument dal 0,82 par cent, a front di une medie nazionâl dal 0,69 par cent e une dal 0,80 par cent tal Nordest. Intal 2022 il Friûl-Vignesie Julie al à regjistrât une cressite dal Pil dal 3,56 par cent, inferiôr sedi ae medie taliane, che e je stade dal 3,67 par cent, sedi a chê dal Nordest (3,79 par cent). Daûr de CGIA, cundut dai fatôrs di inciertece, intal 2023 i consums des fameis, i invistiments e la produzion industriâl si mantignaran su “nivei impuartants” e lis presincis turistichis a son destinadis a tornâ chês regjistradis prime dal Covid. (A.I.) – 08.05.2023