Il Friûl-Vignesie Julie al è prin a nivel nazionâl par contrats di rêt tra impresis. Cemût che al ven evidenziât dal Ufici studis di Confindustria Udine, l’aument in regjon al è stât dal 43% intai ultins trê agns. Za a Març dal 2023 in regjon a jerin 2.346 lis impresis coinvoltis in 514 contrats di rêt.
“La costituzion di une rêt di imprese – e comente Anna Mareschi Danieli, vicepresidente di Confindustria Udine – al permet di judâ la cressite des dimensions preservant la autonomie e fasint cressi lis capacitâts inovativis. La colaborazion tra impresis che a son di une rêt al rapresente duncje un fatôr fondamentâl par garantî plui competitivitât sui marcjâts nazionâl e internazionâl e a rinfuarce il podê negoziâl dai contraents”. (A.D.G.) – 07.04.2023
